സ്ട്രൈറ്റ്‌ ഫോര്‍‌വേഡ്

തൃക്കണിച്ച്‌ വച്ചത്‌ തന്നെ കാക്ക കൊത്തി എന്നു പറയില്ലേ? അതായിരുന്നു അന്ന് സംഭവിച്ചത്‌.

ഗള്‍ഫ്‌ ന്യൂസ്‌ മാട്രിമോണിയല്‍ പരസ്യം നോക്കി ആദ്യമായി വിളിച്ച വിളി.

ഫോണെടുത്ത കൊച്ചിന്റെ അബുദാബിക്കാരി അമ്മയുടെ മൂന്നാമത്തെ ചോദ്യം:

'അതേയ്‌, നിങ്ങളെ കാണാന്‍ എങ്ങിനെയുണ്ട്‌?'

ബെസ്റ്റ്‌ ചോദ്യം.

ഞാന്‍ ഒരു നിമിഷം ആലോചിച്ചു. എന്ത്‌ പറയും? എനിക്കൊരു രൂപവും കിട്ടിയില്ല.

ഞാന്‍ തിരിച്ച്‌ ചോദിച്ചു.

'നിങ്ങടെ മോള്‍ എങ്ങിനെയുണ്ട്‌?'

'എന്റെ മോള്‍ നല്ലോണം വെളുത്ത സുന്ദരിയാണ്‌'

ആഹഹ!

'എന്നാലേ ഞാന്‍ കറുത്തതും ഇടിമന്തനുമാണ്‌'

'സോറി, അപ്പോള്‍ ഇത്‌ ശരിയാവില്ല ട്ടാ' എന്നുപറഞ്ഞ്‌ പെണ്ണിന്റെ അമ്മ പറഞ്ഞ്‌ ഫോണ്‍ കട്ട്‌ ചെയ്തു.

എന്തു നല്ല അമ്മ. സ്ട്രൈറ്റ്‌ ഫോര്‍വേഡ്‌!